Rabelais : vie et oeuvres

Il ne subsiste qu'un seul exemplaire de l'édition originale (Lyon François Juste 1535). Le texte reproduit ici est celui de cette première édition. Il y eu au XVIe siècle plusieurs rééditions. Nous avons signalé en note les quelques modifications introduites dans l'édition de 1543, dernière version revue et corrigée par l'auteur.
Gargantua avait jusqu'alors reçu l'éducation traditionnelle, ce qui a donné à Rabelais l'occasion de tracer une violente satire des méthodes éducatives de ses " précepteurs Sorbonagres ". qui l'avaient rendu " tant fat, niays et ignorant ", à la grande tristesse de son père, le bon Grandgouzier. Un nouveau précepteur, Ponocrates, entreprit de l'éduquer selon une autre conception de l'éducation.
A la différence de Montaigne, qui préfèrera confier l'enfant à un précepteur, Rabelais souhaite que l'élève ait des condisciples. " Pour mieulx ce faire, l'introduysoit es compagnies des gens sçavants qui là estoient, à l'emulation desquelz luy creust l'esperit et le desir de estudier aultrement et se faire valoir. "
Conversations et débats, sports collectifs, jeux et récréations, sont prévus dans l'emploi du temps.

Comment Gargantua feut institué* par Ponocrates en telle discipline qu'il ne perdoit heure du jour.
(...)
Se esveilloit doncques Gargantua environ quatre heures du matin. Ce pendent qu'on le frotoit, luy estoit leue quelque pagine* de la divine Escripture haultement et clerement, avec pronunciation competente à la matiere; et à ce estoit commis un jeune paige*, natif de Basché, nommé Anagnostes. Selon le propos et argument de ceste leczon souventesfoys se adonnoit à reverer, adorer, prier et supplier le bon Dieu, duquel la lecture monstroit la majesté et jugemens merveilleux.
Puys s'en alloit es* lieux secretz faire excretion des digestions naturelles. Là son precepteur repetoit ce que avoit esté leu, luy exposant les poinctz plus obscurs et difficiles.
Eux retornans*, consideroient l'estat du ciel : si tel estoyt comme l'avoient noté au soir precedent, et quelz signes entroit le Soleil, aussi la lune, pour icelle journée.
Ce faict, estoit habillé, peigné, testonné*, accoustré* et parfumé, durant lequel temps on luy repetoit les leczons du jour d'avant. Luy mesmes les disoyt par cueur, et y fondoit quelques cas practicques et concernens l'estat humain, lesquelz ilz estendoient aulcunes foys jusques deux ou troys heures, mais ordinairement cessoient lors qu'il estoit du tout habillé.
Puis par troys bonnes heures luy estoit faicte lecture.
Ce fait, yssoient* hors, tousjours conferens des propoz de la lecture, et se desportoient* en Bracque, ou es prez, et jouoient à la balle, à la paulme, galentement se exercens les corps comme ilz avoient les ames auparavant.
Tout leur jeu n'estoit qu'en liberté, car ilz laissoient la partie quand leur plaisoyt et cessoient ordinairement lors que suoient par my le corps, ou estoient aultrement las. Adoncq estoient tresbien essuez et frottez, changeoient de chemise et, doulcement se pourmenans, alloient veoir sy le disner* estoit prest. Là attendens, recitoient clerement et eloquentement quelques sentences retenues de la leczon.
Ce pendent Monsieur* l'Appetit venoyt, et par bonne oportunité s'asseoient à table.
Au commencement du repas estoit leue quelque histoire plaisante des anciennes prouesses*, jusques à ce qu'il eust prins son vin.
Lors (si bon sembloyt) on continuoit la lecture, ou commenceoient à diviser joyeusement ensemble, parlans, pour les premiers moys, de la vertus, proprieté, efficace et nature de tout ce que leur estoyt servy à table : du pain, du vin, de l'eau, du sel, des viandes*, poissons, fruictz, herbes, racines*, et de l'aprest d'ycelles. Ce que faisant, aprint en peu de temps tous les passaiges à ce competens en Pline, Atheneus, Dioscorides, Galen, Porphyrius, Opianus, Polybius, Heliodorus, Aristoteles, Aelianus et aultres. Iceulx propos tenens, faisoient souvent, pour plus estre asseurez, apporter les livres susdictz* à table. Et si bien et entierement retint en sa memoire les choses dictes, que pour lors n'estoit medicin qui en sceust à la moytié tant comme il faisoit.
Depuis par apres, devisoient des leczons leues au matin, et, parachevant leur repas par quelque confection de cotoniat*, s'escuroit les dens avecques un trou de lentisce*, se lavoit les mains et les yeulx de belle eaue fraische, et rendoient graces à Dieu par quelques beaulx canticques faictz à la louange de la munificence et benignité divine. Ce faict, on aportoit des chartes*, non pour jouer, mais pour y apprendre mille petites gentilesses et inventions nouvelles, lesquelles toutes yssoient de Arithmeticque.
En ce moyen entra en affection de ycelle science numeralle, et tous les jours, apres disner et souper, y passoit temps aussi plaisantement qu'il souloyt* en dez ou es chartes. A tant, sceut d'ycelle et theoricque et practicque sy bien que Tunstal, Angloys, qui en avoit amplement escript, confessa que vrayement, en comparaison de luy, il n'y entendoyt que le hault Alemant*.
Et non seulement d'ycelle, mais des aultres sciences mathematicques, comme Geometrie, Astronomie et Musicque; car, attendans la concoction et digestion de son past*, ilz faisoient mille joyeulx instrumens et figures geometricques, et de mesmes pratiquoient les canons* Astronomicques.
Apres, se esbaudissoient* à chanter musicalement à quatre et cinq parties, ou suz un theme à plaisir de guorge*.
Au reguard des instrumens de musicque, il aprint jouer du luc*, de l'espinette, de la harpe, de la flutte de Alemant et à neuf trouz, de la viole et de la sacqueboutte*.
Ceste heure ainsi employée, la digestion parachevée, se purgoit des excremens naturelz, puis se remettoit à son estude principale par troys heures ou davantaige, tant à repeter la lecture matutinale que à poursuyvre le livre entreprins, que aussi à escripre et bien traire et former les antiques et Rhomaines* lettres.
Ce faict, yssoient hors leur hostel, avecques eulx un jeune gentilhomme de Touraine, nommé l'escuyer Gymnaste, lequel luy monstroit l'art de chevalerie.

(...) Suit une longue énumération d'exercices physiques (équitation, maniement des armes, chasse, natation, athlétisme, jeux de " barre, "...).

Le temps ainsi employé, luy frotté, nettoyé et refraischy d'habillemens, tout doulcement s'en retournoyt, et, passans par quelques prez ou aultres lieux herbuz, visitoient les arbres et plantes, les conferens avec les livres des anciens qui en ont escript, comme Theophraste, Dioscorides, Marinus, Pline, Nicander, Macer et Galen, et en emportoient leurs plenes mains au logis, desquelles avoyt la charge un jeune page, nommé Rhizotome, ensemble des marrochons, des pioches, cerfouettes, beches, tranches et aultres instrumens requis à bien arborizer.
Eulx arrivez au logis, ce pendent qu'on aprestoyt le souper, repetoient quelques passaiges de ce qu'avoyt esté leu et s'asseoient à table.
Notez ycy que son disner estoyt sobre et frugal, car tant seulement mangeoyt pour refrener les haboys de l'estomach, mays le souper estoyt copieux et large, car tant en prenoyt que luy estoyt de besoing à soy entretenir et nourrir, ce que est la vraye diete* prescripte par l'art de bone et sceure* medicine, quoy qu'un tas de badaulx* medicins, herselez* en l'officine des Arabes conseilent le contraire.
Durant ycelluy repas estoit continuée la leczon du disner tant que bon sembloyt; le reste estoyt consommé en bons propous, tous lettrez et utiles.
Apres graces rendues, se adonnoient à chanter musicalement, à jouer d'instrumens harmonieux, ou de ces petitz passetemps qu'on faict es chartes, es dez et goubeletz, et là demouroient, faisans grand chere* et s'esbaudissans aulcunes foys jusques à l'heure de dormir; quelque foys alloient visiter les compaignies des gens lettrez, ou de gens que eussent veu pays estranges*.
En pleine nuict, davant que soy retirer, alloient au lieu de leur logis le plus descouvert veoir la face du ciel, et là notoient les cometes, sy aulcunes estoient, les figures, situations, aspectz, oppositions et conjunctions des astres.
Puis avecques son precepteur recapituloyt briefvement, à la mode des Pythagoricques, tout ce qu'il avoyt leu, veu, sceu, faict et entendu on decours de toute la journée.
Si prioient Dieu le createur, en l'adorant et ratiffiant leur foy envers luy, et le glorifiant de sa bonté immense, et, luy rendant grace de tout le temps passé, se recommandoient à sa divine bonté pour tout l'advenir.
Ce faict, entroient en leur repous

Chapitre XXII 

Comment Gargantua emploioyt le temps quand l'air estoit pluvieux.

1 - Lisez le texte une première fois en consultant les informations ci-dessous chaque fois que vous rencontrerez un terme marqué par un astérisque.

Puis lisez le texte à voix haute, en notant éventuellement ce que vous n'avez pas compris